Missionary riantuannak ah ka tonmi harsatnak le Pathian nih a ka umpi nak ( Part- 2)

Dr.Thomas cu a kee pahnih in an tan in a hlatnak sahrang hna tihnung an umnak ramlakah an vabhlonh sahrang nih seh teseh ti an duh caah an hlinh. Thomas a kalkho lo a kee a um tilo. Nunnak ding caah hnabeidaong vansang in a um. Athii tamtuk a chuak cang.  Mah tlawmpal ahcun ruahlopiin Chiandaih ngan taktak pakhat nih a van neih cuahmah. Kuatnak ding a umti lo. Cunglei a zoh i Pathian sin ah thlaza a cam ( Maw Pathian nang cu a sannak hmun ah na um i kei cu a niamnak hmun in kalkhawh lonak hmun ah ka um ka bia ka theihpiak ko sawh ka bawipa)  tiah thla a cam Chiandain nih a neihtuk cang caah a tihtuk hringhran.

A thlacamnak cu Pathian nih a theihpiak i Chiandaih hmang in Thomas a kee cu sivai a thatakmi Chiandaih nganpi a leihnih a liahpiak. Thomas cu lawmhnak in a khat i mitthli he Pathian a thangțhat. A rawl a taamtuk cang eidin zeihmanh ai kawl kholo. Sihmanh sehlaw pathian nih a umpi caah Chiandaih nganpi pakhat hmang in Chiandainh kaa chungin a ei cangmi saa cu Thomas hmai ah a luakter i cutin cun Chiandaih pawchungin sa hmin cia cu a rak ei. Chiandaih nih a kaltak. Dr.Thomas a kal kholo caah a umnak hmun te ah a um ko. A thaizing zingka teah Chiandaih nganpi cu araa țhan i a kee hma cu cu ticun nikhat hnu nikhat a leinih a liahpiak peng caah damnak a hmu. Damnak a hmuh ni in a umnak hmun cu min pakhat ah asak ( Pathian nih a mi le afa hna a philh lo ii,  akan umpi nak tlang)  tiah asak.

Nikhat cu thingtan bul tete cu a khawmh hna i țhutnak ah a sar. A sar dih in Pathian nih Chiandaih a tawmei hmang in rian a tuan țhan. Zingka te a thawn hlan ah Chiandaih cu a hmai ka ah a um cang i a khuaruah a har ngaingai. Cu lio ahcun Pathian sin in bia pakhat a sin ah a ra. Thomas Chiandaih a meikha i tleih law na mi le hna an umnak khua paohpaoh ah Ka Thawngtha bia va phuang tiin a theih cu ticun Chiandaih nih a kalpi i Hmunrawn pakhat hmun dang ram cu a phan. Chiandaih nih a kirtak țhan.Thomas cu ai lawmhnak in a khat riangmang. Fung pahnih cu a kut khat lei veve in ai tleih ii a thilchia taktak buin thawngtha chim awkah khuachunglei a va panh.

Khuapakhat ah a luk i,  mipi hnanih cun khuaruahhar taktakin an zoh mipi hna cu Thomas nih a thawh hna i nan cungah daihnak umkoseh, pathian nih an umpi hna, atu i nan hmuhmi hi mi tlamtling lo asi konain a chungin a chuakmi biathli cu cunglei in a ra i nan dihlak caah nunnak cerhti bantuk asi tiah a au. Nu hmei nu pakhat nih a va neih i Dr.Thomas a ei ding caah changreu pahnih a va pek. Thomas nih kapi Pathian nih an dawt caah mi van tha na si. Na harsatnak nih an kaltak cang tiah a timi cu tlangbawi hnanih an theih tikah thah dingin an rak hnawh. Sihmanh sehlaw Thomas nih tihnak pakhat hmanh a neilo. Tlangbawi pakhatnih Vok nih a eika mi a van i lak i Thomas cu a van neih i khuahmu khawh hlahseh tiah a mit ah nehsawh taktakin a va peng.

Pathian țhawnnak cu Thomas cungah a lang i tlawmpal ah Thomas a mit ah Vokek in a benh tu tlangbawipa cu a au i khua ka hmu khotilo ,khua ka hmu kho tilo, tiin a hram riangmang. Thomas nih Pathian amifa hna le mi tlamtling lo a nehsawhtu hna cu pathian nih an cungah an tuahsar ning bantukin țhatlonk a tluntet, nan sual i chir ulaw Pathia sin ah thlacam uh tiah thangpi in a au. An khuapi le a mah thah dingah a rami tlangbawi vialte hna nih i chirnak lungthin he pianthar nun an nei dih. Amen

Tlawmpal incun khuadang pakhat ah kalding ai tim. A kal hlan ah a hlan i a sual taktakmi tlangval pahnih hnanih Dr.Thomas caah rawl cu an timhtuah i cu ticun khualeng hla nawn tiang an va thlah, Thomas cu a caan ah a bok buin a kal a caan ah i siir pah in a kal. A kee pahnih in a um tilo caah a duhning in a kalkhotilo. Cuticun duhsah duhsah in ramlak in a kal chuahmah i a hlatnawn te khin khua pakhat cu a heihmuh. A van kal deuh tlawmpal ah khin Tiva kik te pakhat a luangmi cu a van hmuh a rawl zong a taamtuk ve cang caah hika hmun ah hin rawl ka ei la tiin rawl ei cu a van i tim.

A chuncaw caah an Tlangval pahnih hnanih an timhhlawm piakmi chuncaw fun te cu a van i lak i an temmi hri cu a van phoih tikah lo diam in a hnulei h Dr.Thomas ai ngal.  A hartuk hringhran,  Tlangval pahnih hnanih an pekmi a chuncaw fun cu ( ek)  asi caah Thomas a hnulei ah ai ngalhnak asi. Dr.Thomas Pathian sin ah thla a cam -> ( Maw Pathian na hi bantukin ka cungah thil a tlun ding cu kai va ruahchan lo, sihmanh sehlaw atu ahcun ngeihchiatnak in kakhat)  tiin thla a cam. A thlacam a dih thokin Mah hna khua ah Paam a tlung i Tlangval hna pahnih cungah Thilo nung loin Pawfak nak nih a tlung hna.

Tlangval hna pahnih hnanihcun an sualnak cu mipi sin ah an i phuang ii, khuami hna le tlangbawi upa hna le Tlangval hna pahnih tel in, an sual ngeihthiamnak ding caah Pum a tlamtling lomi zeiah an rel lo i an nehsawhmi kalnak ding caah kee pahnih hmanh a neilomi Thomas ton dingin va kawl dingah an i thawh. Dr.Thomas cu khuate pakhat chungah a bok buin a kalpah in a va pham.
( Peh țhan ding)
Channews Daily