Philipine ramchung Manila khuapi ah rithaisi țhawlnak chungah upadi cu lonh in lainawng thahnak hna le thih daan an timhtuahnak hna cu Roman Catholicism biaknak phu hnanih an duh lo .Manila khuapi ah nihin Feb 18 ni ah an tuahmi sandahpiah puai "Walk for Life" thlacam tu hnanih karhlangin sandahpiah puai tiah min an pek i Philipine ramchung Catholicism phu Catholic Bishops Conference of the Philippines (CBCP) nih lungtlinnak nei in tha an pek hna tiah theih asi.
CBCP nih President Duterte i rithaisi raltuknak dohnak cu afaktuk in sual an phot hnu ni tlawmpal a rau ah Catholicism biaknak lei hnanih lungrual tein karhlangin sandahpiah nak tiang a chuak.
( rithaisi dohnak puai cu President duterte nih ka dongnak ni tiang ka doh hrimhrim lai tiah a chim)
Nihin sandahpiah puai hi a timhtuahtu hnanih Manila khuapi i a ummi pangpar duum cu kalhnawh in sandah an piahnak ah aitelmi minung 50,000 tiang an i tel tiah an chim.
Philipine palik hnanih sandah a piahtu hna hi 10,000 hrawnglawng an i tel tiah an ti. Philipine ramchungah Duterte president aai hnu in thla 7 arau cang asi i rihaisi a dohnak ruangah minungb7,600 renglo an thi cang.
Athimi hna chungah hin minung 2,500 hna hi rithaisi a dohnak ruangah khat lei le khatlei meithal nih an i kahnak ruangah asi tiah Philipine palik phu hnanih thawng an langhter.
Source & Photo: Reuters
No comments:
Write comments