American ramchung California pyine i a ummi Studio khuapi an myodaw ah Feb 17 ni zaan ah pe (20) tiang a thukmi vawlei a cimhnak ruangah mawtaw pahnih a tla tiah nawlneitu hna an chimnak in Los Jamaica News ah an langhter.
Vawlei a cimhnak hmunhma ah meithat hna an van phan i mawtaw pakhat a a cimhpi mi cu an hmuh, vawlei he Pe 10 tluk a thukmi ah kum 42 asimi nu pakhat cu mawtaw cungah a dir komi cu kan hmuh tiah LAFD internet cungah an langhter.
Meithat phu hna zong pe (20) a saumi hlei pakhat cu a tangi a ummi nu sin ah an thlak piak i hlei in a van kai i cu ticun a nunnak a him, cun mah nu cu sizungah an kalpi i a tluang ngaingai ko tiah theih asu.
Mah nunih mawtaw a mongh liopi ah mawtaw cu a orhkei kam ah a kal deuh caah mah mawtaw cu vawlei a cimhnak ah a tlaknak asi. Mawmaw chungah Ti hna an lut caah a thlalang inn a thazaang dihlakin chuah in a taang i cuticun a chuak kho i mawtaw cungah dir in bomhnak a hal hna.
Vawlei a cimhnak chungah a tlami nunih a chim. Ka thi cang la tiah kaa ruah. Ka aumi cu meithat phu hna nih an theih i an ka bomh tiah mah nu nihcun a chimh.
Apahnihnak mawtaw a van monghtu cu vawlei a cimhnak chung a tlak hlan ah hliamhma tonglo tein a luat kho tiah theih asi.
DVB
No comments:
Write comments