Malaysia ram, Kuala Lumpur khuapi, Taman Lembah Maju, Pandan ah Myanmar rammi nu pakhat, kum 10 asimi fanu te le kum 3 asimi a tupa te cu February 12 zaan ah fak taktakin thah an tuar.Chungkhar pabik cu hlaimhma fak ngaingai tuar in mah le mah thei lo in a um, sinain thih cu a thi lo tiah theih a si. Zaan nazi 11:30 hrawngah an fanu upabik cu a riantuannak in a tlung.
Cutiin an inn cu a chunglei in an hrenh. A nu le pa cu a auh len hna nain ahohmanh nih an chawn lo tikah innkam hna sin ah bomnak a halhna. Cutin an innpa nih kutka tanglei in innchung a von bih tikah innchngah thisen a khatmi a hmu. Palik pawl cu zaan nazi 11:50 ah an phan i innchung an lut tikah minung 3 cu nam i hngawng atnak in an thi.
An pa bik asimi zong hngawng att a tuar ve nain thi lo in, hliamhma fak ngaingai a tuar. An pabik le thah tuarmi rauk 3 cu Amphang sizung ah kuat an si.
Malay palik nihcun ahonih a that ti le zeiruangah that an tuar timi hi an thei rih lo.
Source: New Strait Times
No comments:
Write comments