Nikhat cu Missionary riantuan dingah Doctor Thomas cu a inn le a neihmi suingun chawva hlawnthil le a nupi le a fa le te hna cu chuak takin ram mui lei ah Khrih caah nunnak pek in riantuan dingah a kal.
Nikhat zing cu Garara timi khua pakhat a phan i inn pakhat ah tlun inn a hal hna .inn neitu nih zeibantuk minung dah na si ati i Dr. Thomas. nih nan cungah daihnak umkoseh, kei cu khualtlawng mi pakhat kasi ati Inn neitu nih si ahcun rak lut ati. Dr.Thomas nihcun a van i thawh ii, zungzal nunnak a neitu Pathian nih nihin ah nan inn chungkhar le na tefa tiangin thluachuah inpe ko seh ati i Pathian bia cu a cawnpiak. Piangthar nun a neih colh i zaamtim ah Pa le Fapa le Thiangthlarau min in tipil in nak a pek. ( zaam ah tipil a peknak a ruang cu atu i a phaknak Garara khu i a ummi hna i zumlotu misual lawngte an si caah asi ).
Caan tlawmpal a um hnuin hmun danglei ah a kal khua pakhat phanh hlan deuh ah khin nungak dawh taktakmi pahnih a hmuh hna i ramlak ah zuuri buin an au cuahmah ko. Dr.Thomas nihcun an sin lei ah a va neih i an pawngte a phak cun Nungak hnanih zeidah na duh an ti i, Dr Thomas nihcun ka duhmi zeihmanh a umlo tiah a leh hna cun a van i thawhțhan ii, ngngak pahnih hna cu Pathian biaba chim hna a chimmi bia cu ( Nan sualnak senduk in sen hmanhseh nan sual nan i chir ahcun ngeihthiamnak tithiangin tawl nan si lai ) timi a chimh hna bakin lo diam an zaam i tlawmpal ahcun a hmu ti hna lo.
Khuachung cu a van lut i Khua upa hnanih ngngak pahnih cu an auh i hipa hi maw asi a mah i a biaknak lei ah zulh dingin an cawnpiaktu pa cu an ti i , asi an ti caah an tleih. Dr.Thomas cu bia an hal hika ah zeidah na van tuah an ti. Thomas: hika i a ummi hna le khuachungi a ummi upa ngakchia tiangin khamh an co khawhnak hnga Pathian bia put in kara tiah raltha taktak in a leh hna. An thinhung tuk i a cheu nih hipa hi thah ding asi an ti a cheu nih Hipa hi fakpi in hrem hnu ah thah ding asi tiin an au.
Thong chungah an chiah i rawl an pelo. A rawl a taam lai i a thi zau kola tiah an ruah. Sihmanh sehlaw Dr Thomas caah cun Pathian he i neihnak tu asi. Thla a cam " Ka Pathian himi hnanih na dawtnak an theih khawhnak hnga a thabikin lam ka hruaiko sawh” tiah bok buin thla a cam. Zarhkhat a hungliam i thonginn cun an van chuah a der lo i, a thau fawn lo a hlan bantukin an rak hmuh. Upa pawl hnanih an thawh i kan miphun le kan biaknak na buai caah hrem na si lai i kan in thah lai tiah an ti ii, angki ai hrukmi le a Bawngbi cu a lakpiak i tak palong in an țhut ter mipi hmai .
Lung a pum taktakmi pakhat cu meichungin sen taktak in a um liomi cu an van lak i a kut zaphek cungah an van chiahpiak Dr.Thomas a celh hrim lo. A au, Bawipa himi hnanih an tuahsarnak hi hmailei na sunparnak caah si hram seh. Lungpum meisen cu an lakpiak i a ngal ruhcar ah KG 5 aritmi thir pum in thisen le hnai chuak dihlak tiangin an hnur. Mipi hna cu an lung asi khotuk. Pathian dawtnak an theih lo caah. A rumnak le a fimthiamnak cu a kaltak i ram mui ah harsatnak a tong. An hrem dih hnucun an kalpi i tlangcung sang pakhat cungin tanglei ah Thi seh tiin an hlonh.
Sihmanh sehlaw A Biakmi Pathian cu a nungmi Pathian asi caah a Fapa Thomas i Thisen nih a biak Pathian nung a auhmi cu a theih caah a nunnak tiang liam loin Bur pakhat Zuunhri in a khatmi cungah a tla. Kan thah cang. Nan ti nain Dr.Thomas a thi lo. A kut meihma a fak tuk caah zeihmanh a tongin a tleih kholo. Akee ruh a kiak caah a kal kholo. A caah eidin rawl zeihmanh a um lo. Ti zong pawngkam ah a um lo. Sinain a lung a rawk lo i a lung dong fawn lo. Tilo rawl loin zarh thum a um cang a rawl a taamtuk i a ti zong a haltuk a celh tilo caah thih ai tim. Dr.Thomas Thla a cam" Maw bawipa a sannak ah na um i a thuknak le a muihnak chung zong a hmu i biathli tiangin a thei khotu ka Pathian atu i kan nunnak a liam hlan ah kan auhnak ka aw hi ka ngaipiak hram ko sawh tiin a cam”. A thlacamnak cu a theihpiak i.
Kafapa tholaw raltha taktakin hmai lei ah kal tuah” ati bakin a tho i a kal. Tlawmpal a kal ah khin tarnu pakhat he an i tong kapi nan inn ah tluninn kan hal hna a ti i a tlun hna. Pathian bia cu a chimh hna i mitampi nih pianthar. Mitampi nih rawl ulh in thlaza an cam cang. Pathian cu ai lawm bantukin Dr.Thimas nih a tantakmi a fupi le a fale hna cu Thluachuah a pek hna i nundam in an rum chinchin.
Cun khua dang pakhat ah kal aa thawhțhan khua pakhat a phan in inn pakhat ah a lut i Pathian bia a chawnpiak lio hna ah an luh hnawh i an tleih țhan. Misual hnanih hipa hi a kalkhawh tilo dingin a ke pahnih in taan usih tiin biaruahnak an tuahpiak. Nikhat zing cu biaceih zung hmai ah a kee tan dingin an chuahpi Biaceihtu nih hipa nih kan ramchungah phung ning loin Pathian bia a chim i phung a buar caah a kee tan a si lai tiin ca a van rel dih hnu ah. Dr.Thomas cu a kee hnih in an taanpiak. A caah cun nun man neilo asi konain Minung caah a nung lo i Pathian caah a nungmi asi caah nuamhnak in a khat chinchin. Cun ramlak hmun hlapi saram seh hrang hna an tamnak hmun ah an va hlonh. Saram seh hrang nih rak eite hna seh an ti caah an hlonh nak asi. Tlawmpal ah Chiandaih Ngan taktak pakhat cu ruah lopi in a hung raa tih a nungtuk----( peh țhan ding)
Channews Daily
No comments:
Write comments