Ka fanu damter na si cang na zawtnak vialte nih an kaltak cang

Jemy ngakchia nu te cu kum 2 asi in a pumchungah zawtnak thalo nih a lunh i kum 5 asi tiangah damnak a hmu kho rih lo. Apa James Max hiba rum ngaingai mi mirum tak pakhat asi, ka fanu a damnak ding caah tiin a neihmi phaisa le sui ngun vialte hna zong tamtuk a dih cang sinain a fanu nih damnak a hmu kho, a neihmi chawva ah damnak a um lo i, a fanu sizung a kalpi nak ah damnak a um lo. A fanu a damnak ding caah Pathian lawnglawng a um. Sinain Jeams Max nihcun Pathian a kawl lo i a chawva neihmi aa rih. Ka chawva a tamtuk ko ka fanu hi a dam hrimhrim la tiin ramdang le hmundangah a kalpi nain sibawi te nih a fanu damnak ding caah zeihmanh an tuahpiak ko lo i cu ticun ngeihchia le lungkuai i an umnak khua run inn ahcun an tlung.

An inn an phak hlan deuh ah khin an dir i an inn cu an zoh an inn kutka pawngte ahcun mi pakhat tak hnawm taktakin a um ko khi afanu hecun an hei hmuh. An va neih i tarpa te nihcun nan inn ah eiding rawl kape u tiah a hal hna. James Emax nihcun nangmah mi thurhnawm nih maw nawl na kan pek ve vakal mah hmanh lungre theih ah tiin a țhawl. Afnu te cu tarpa nih a van zoh i kafa nai dawhtuk ati i a kaltak. James Emax cu a fanu a damnak ding caah tiin khua a ruah i lungretheih in a um rawl zong țhațhi in a ei kho lo. A lung a buaituk zeituah ding hmanh a thei ti lo.

Nikhat cu an khuapi chungah sibawi a thiam takmi ara ti thawng a theih i a fanu cu a kalpi sinain a damh kho hlei lo. A tin pah ah an inn hmai kutka zawn ahcun mi pakhat an hmuh țhan an va neih i mipa nihciun ka ei dingah rawl ka pe uh tiah a hal hna i cupa zong cu a hlan bantukin a rak leh ve i cu ticun a kalter țhan ve.

Zaan a it liopi ah mang pakhat a manh i a mang ahcun ( na fanu caah damnak nak na kawl i na hmu lo , na fanu caah damnak pek dingah hnipuan a thurhnawm mi he na inn ah ka ra i , nang nih na ka cohlang lo i na ka țhawl, na lung a dong vansang in na um lio tuk caan ah na fanu damter dingin ka ra țhan sihmanh sehlaw na chawva naa rinh i , na rawl pek zong na ka sianglo voihnih tiang na ka cohlang duh lo ii, na ka țhawl ) tiin mang cu a van manh i tuak tiah a van i hlau .

(Kan damnak ding caah kan bawngte ah kan biakmi kan Pathian a um pengko tihi philh hna hlah usih)

Zingka tecun a fanu cu a kalpi i an inn hmai ii, a rak dirmi pa cu va kawl dingah a fanu he an i thawh cang. Mi pakhat hnu pakhat a hal hna i khika ah kan hmuh , cuka lei ah a kal , zahan ah khika khuate lei ah a kal tiin an chim ii, a kal an tinak lei paoh ahcun an va dawi zaanlei nithlak deng hrawngah khin khuate pakhat luhnak pawngah mipa palhat a hmuh i hika ah hin thil hnawm taktak ai hrukmi tarpa pakhat na hmu maw tiah a hal i aw ka hmuh tiin a kutdong nih biakinn chiate pakhat cu a sawhpiak i khika chungah a lut tiah a chimh.

A rannak in a fanu a cawi ii, a kalpi biakinn ching luh a va i timbak ah aw pakhat a theih. Ne kedenh i phoih law a thianghlim mi ka biakinn chungah cun lut tuah a ti i, a theih bantuk cun a tuah i a lut sinain Biakinn chungah a hohmanh an um lo. Tlawmpal ah a fanu cu a kuh i mitthli he a tap James Emax nihcun ka fanu napa ka ngaithiam ko tiin fanu te cu taancungah pom in i chinak lungthin he a tap riangmang . Lungchir in James Emax a tapnak nih a mitthli nih a dawttukmi fanu damnak a hmu Haleluijah Amen.

Pathian sin ah lungchir nak thinlung he caan na hmang kan hmang a si ahcun a nung i zungzal nunnak a neitu kan biakmi kan Pathian nih a kan ngeihthiam la i, kan caah kan herhmi damnak le zungzal nunnak cu a kan pek lai.
AMEN..AMEN
Channews daily