“A mui aidawh bak konain, huat a tlai” mi pawl na tong bal maw? Mah a tanglei i nunzia phun 5 nih mi huattlai ah an canter kho.1. Mah bialawng chim – hawikom lak ah siseh, Khoika hmunpaoh ah siseh, mah lung i a ummi bialawnglawng chim, mah thil, ma chungkhar, mah te le fa an tthabik, an i dawhbik tiin chim lengmang. Mi chim zong ngai duh huaha lo, mah i chimmi apoh hi a takthlak bikah a ruat tu pawl hi an i dawh ngai ko hmanh ah duhnak rim an kop lemlo. Na mui aidawh hmanh ah mah hi nunzia nih mi huattlai ah an canter khawh.
2. Lenglam mawinak – Minung pakhat sinak ah lenglei dawhnak hi a biapi ngai ve ko. Asinain chunglei dawhnak ai tello mi lenglei dawhnak cu mi nih mitkemnak a si. An tuah, an ttuan mi vialte paoh ah mi mit-hmuh nak ding ca lawngah a si caah sau a daih hna lo. Hi nunzia nih tikcucaan a sau cun huat-tlai minung ah an canter kho. Cun hni le puan, i hruk ningcang zongah lenglei dawhnak ruangah a hleicee in thilhruk a hmangmi khi huat an tlai.
3. A tthalo lei in mi ngiat lengmang – Zeitik hmanh ah a ttha lei in hmuh dahlo, ruat bal lomi pawl hna hi khoika hmunhma paohpaoh ah duhrim an kop kho bak lo.
4. Mi va rih-lengmang – Zeibantuk paoh ah mi lawngte hei rinh lengmang, mah nih zei ttuanvo pakhat hmanh lak khawhlo/huamlo pawl hi mi nih upat mi si ding a har. Zeibantuk paoh ah mi an rinh tuk hna caah a donghnak ahcun mi nih ma hi nu/ hipa hi hna a hnok' tiin anbtimi kha na rak si kho.
5. Kasibik, thiambik i um hmangmi – Zei paohpaoh ah ka sibik le ka thiambik ti i a umtu pawl hi na hmuh ttheu ko lai. Duhnung an um le umlo cu na thei ko lai.
Na ruahnak
VCTH
No comments:
Write comments