Mindat peng ah Pastor pakhat fak ngaingai in vuak a tuar

Chin ramkulh, Mindat peng, Kyuk khua ah Rev. Nan Ling cu February 19, zinglei nazi 10:35 ah fak ngaingai in velh a tuar.

 Facebook account min Kaangbawi Ca nih, “Rev. Nan Ling cu ministry dang pakhat riantuan a bomh ruangah a khirhfabu member cheukhat hnanih kan khrihfabu na si ti lo tiah an ti i thisen chuak ko in an vuak,” tiah a ti.

 Rev. Nan Ling i a fapa Myo Myint Aung nihcun,”Kapa Rev. Nan Ling i a ruantuan ti hna , a hawi le kam le a unau, a te le fa pawl nan dihlak Pathian nih thluachuah nak inpe ko hnaseh.

Tukum kapa vuak a tuarnak he pehpar in thinnuam lo in comment a pektu siseh, thlacamnak he in bawmtu siseh nan dihlak cungah tampi kan i lawm.

 Hi thil hi Pathian sunglawinak caah si hram seh. Ka pa a tak cung i thisen cu ka thinlung chungah a for ve,” tiah facebook ah a tial.
VCTH