Raltuknak ruangah thinphang thlalau in a zaammi hna an nun khuasak umnak ding caah harsatnak a tong ngaingai

Butitoung myone SIToung khuate ah a phanmi chungkhar hna dihlak  96 chungkhar an si ii, minung 420 an si. leikuang chungah thlam sawhsawh te in nun khuasa in an um I LO neitupa nih a lo hmunhma cu tuan a duh cang caah an umnak ding cu a harsa ngaingai ko tiah palik sakhan I a ummi hna nih an chim .

“LO neitupa nihcun mahhna hi a tu hmanh ah a chiah duh ti hna lo, a rannak in kal hna she tiah a duh. LO neitupa nih a duhbak tilo asi ahcun an umnak ding ca I an sakmi an thlam hna cu hrawh dihding a si ko cang . harsatnak hmun ah an um ko hna . inn saknak ding caah bomhchaan nak hna cu an herh ngaingai ko. thingsam in an zuar konain a cawtu an umlo caah phaisa neiloin harsatnak chungah can an hmang ko hna '' tiah U Shwe Thein nih a chim.
Out- thla hnulei thokin bomhchaannak apetu hna an ra tilo caah a cheukhat upa le ngakchia hna cu eidin tirawl caah harsa ngaingai in an um ko.

kum 65 asimi daw Ma Seing nih  “kanmah sin ah hin upa pahnihh an um. midang bantukin thinhsam rua sam ti bantuk hna an tuah kho tilo. a hlan I eiawk bomhchaan nak kan hmu lio ahcun kan paw a khim I atu ahcun bomh chaannak a um tilo caah kan harsa ngaingaimko '' tiah a chim .

2016 thokin Rakhaine hriamtlai phu hna le AA le kawl ralkap hna an I dohkahnak ruangsh thinphang thlalau in a zaam mi hna an si . BUTITOUNG khuapi chungah CYTOUNG le ALECHONG khuate hna ah raltuknak hrial in a zaammi hna an um I an dihlak te fonh chungkhar hna ah chungkhar 100 englo an um I minung hecun 500 hrawnghrang an si.
DVB