Phone chung i a aw cu a suaituk i a lungchungah a campeng caah kum 82 asimi tarnu cu dawtnak lungthin i hrawm tti dingin țhitumnak a tuah tu Tlangval

Indonesia ramchung in kum 27 asimi tlangval pakhat nih Phone chung i a aw cu a suaituk caah kum 82 asimi tarnu pakhat cungah a dawtnak a hrawmh ve i a thiang țhitumnak a tuah.

 Dandel nih hin phone chungin a theihmibnu pakhat i a aw cu a suaituk i a lungah a caam peng caah pakhat le pakhat phone in an i chawn lengmang i cu ticun phone chungin khat le khat dawtnak in an rak khat.

 Asinain mah lio caan vialte ah khan tarnu i a kum hi arak theilo tiah sehremh mi pakhat nih a chim.

 Mah hnu incun mah hna pahnih hna cu lengah i ton dingin biakamnak an nei i nu ina inn ah a van phak tik ahcun tarnu Mataputu cu a rak hmuh i a khuaruah a rak har ngaingai.

 Mataputu hi phone chung i a aw he ai dangtuk i kum 82 nuhmei tarnu tu a rak si. Amah hi a pasal a thih hnu kum 10 hrenglo hrawngin cun pakhat lawng sining in kal a hlang i a mah i a fale 2 hna cu ramdangah rian an rak tuan.

 Mah vialte thil sining a theih dih hnu zongah tarnu a duhnak a lungthin cu ai thleng lo.

 Sualphot a tam nehsawh a tamnak hmun Indonesia ramchung ah mah hna pahnih hrangah hin an hmailei kalnak karhlan nak ding caah a har ngaingai konain Feb 18 ni ahcun țhitumnak an rak tuah.
DVB