Pakisran nih an dawi an kawl hnanak ah IS ralhrang minung 100 an thah hna

Sufi Muslim hnanih an i sunsak tukmi an biakinn ah nunnak thap in Bomb an puah hnu ah Pakistan ramchung cheukhat ah ralhrang kawlnak an tuah i ralhrang phu minung 100 hna cu an tleih i an thah hna tiah Pakistan nawlneitu hnanih an chim.

 Mahlawng siloin Afghanistan i min thang asimi ralhrang minung 66 hna cu kanpe ko uh tiah Pakistan rianneitu hnanih an hal hna.

 Pakistan ramchung pyine i Alan save Buzz field an biakinn cu nunnak thap in Bomb an puahnak ruangah minung 80 an thi.

IS ralhrang hnanih mah nunnak thap in Bomb puahnak hi kanmah nih kan tuahmi asi tiah an i phuangbak ve ko.

 Ahghanistan ramchungah IS ralhrang hna an lut ii, Bomb puahnak hna an timhtuah tiah Pakistan ramchung rian neitu hnanih sualphotnak in an chim.

 Pakistan ramchung zongah vengtu an chap hna i ralhrang hna cu an tleihkhawhnak ding caah hmunhma tamlak te cu nawlneitu hnanih an kawl cuahmah rih hna. BBC