Nikhat cu Bus cungah hngangam taktakin ka țhut lio ko ahcun Bus cu a stop ah a van dir. ka van hei zoh i nungak aidawh nawn mi pahnih cu ka van hmuh hna kalung thlite cun kapawng te ah hin țhutnak a lawng i van thu sehlaw pakhat tel cu ti khin ka hei ruah ve ko. Cu lio ko ahcun ka ruah deuh lomi nu tu cu ka pawngte ah a van thu zuaiko. Laimi ahcun ka hei ruah hna lo. An i dawh ngaingai cun pakhat le pakhat zong an i chawn lo i, Tuluk nungak ah ka hei ruah ko hna. Klang Meru lei kakal lio asi caah kan kalnak cu ai hlatpah tlawmpal ahcun kapawng i a thumi nu cu Bus a ri ai a luak a chuk tuk i ka pawngbi le ka Bag cungah lo diam a rak i luak ko. Apoi kho taktak.
Kemah nihcun ka van i thawh i laimi an silo sual ah tiin English mirang holh in ka van chawnh ka U zeitin dah na um na tha maw tiah ka van ti i ka Bag chungin Angki ka cawk kami an chiahnak Palastick cu ka van lak i ka pek. A van ka thawh i Lainu sit te kasi hih zeiruah ahdah mirang holh in na ka chawnh tiah thang ngaingai le thinhung pah in cun a van ka leh cu mipi nih an kan zoh dih ko ka ning a zaktuk i zeituah ding ka theih lo ah ka hei ni ve zuai ko.
A hawinu pakhat deuh tu cu a lung a van fim deuh i, a din nawnte khin a min in a van auh i tunai cu na luan deuh bak ko tiin a van ti i tlawmpal ahcun a van ka zoh țhan i chawnh khi a ka duh ti ka theih tikah kai uahpah ve cang. Zohlo te khin le ningzah pah cun ka hei um. Khua ka ruah lainu na si i mipi hmai ah hi bantukin na ka ti cu kalung a fakbak ko tiin ka hei ruah i ka ngeih chia pahpah ko. Pumh ah kakal mi zong ka lung ai nuam lotuk bakkhi ka si.
Tlawmpal ah khin a phone cu a van ring, Hello ( Iam in tha Bus) tikhin a van chonh cu kanhmai i a thumi hnanih an van zoh i tlawmpal ah ( Iam busy busy tomorrow working come) a van ti cu kan hmai i a țhumi cu a dirmi Tuluk cheukhat hna an van ni i din nawn khin ka van ni ve. Cu tlawmpal ahcun ruahlopi khin a hawinu cu a hei chawnh i ka pawngkam i a țhumi nu nihcun a tu lio i laipa pawl hi cu an ka nengbak tiin a hei ti. Cu tlawmpal cu a mit ai chin i mawtaw ka rituk tikhin a hei ih ko. Um har tiah ka phone Line ka van on i ( ting ting) tiah cakuat a van lutmi cu a thlinawn te khin a heibih ka phone i cakuat a rami ( Saya phisa 1500 ) kha na hmu cang maw tikhi asi. Aw tu zaanlei ah ka lakpah lai cu tikhin ka hei leh.
A van i thawh i kapawng a țhumi nu nihcun ka U laimi na si hi kan theih tunglo, na khabeh hmul nai zuah i Malay pa ah kan ruah cu tikhin a hei ka ti i, keinih aw asi maw i theihthiam lo le i palh a um tawn i poi lo ngah ko tikhin ka hei leh. Cu tlawmpal ahcun a luak cu ai luak țhan i, keimah nihcun ka a pawngkam i ka pekmi a chiahmi palastick cu ka van lak i ka u hika hin van i luak tikhin ka van ti i ka pekmi cu a lak i ruahlopi khin a hei hlonh cu ka ning a zak taktak nain Bus aicitmi hnanih cun keimah tu kha an ka theihthiam i, cu tlawmpal ah Bus mawngtupa nih ka pawng i a thumi nu cu zeiruangah dah na luaknak ding palastick an pekmi chungah na luak duhlo in na hlonh i Bus cungah cun na luak nai cit duhlo ahcun hika Bus Stop ah hin tum tiah a van ti i a van rat hnawh,
Hitin cun a hmual a photuk la ka ti i laimi i zawnruahnak ah tiin Bus mawngtupa cu Sir ka u asi a dam lo caah asi ti khin ka nawlpiak i cu ti cun tluangte in Klang Bus Staytion cu kan van phan. Meru lei kal ding in bus a dang cit dingah kakal pah ah khin ai dawh deuhmi pakhat nihcun a lung a fim deuh caah ka U ka U kan i lawmtuk dawr pakhat ah rawl tel eitti hna usih ti khin a hei kati. Kaalawm tuk tuhi caan ka nei tilo i ni dangah damtha in ton țhannak kan nei asi ahcun ti khin ka hei leh i kakal. A phone No hal ka philh diam ko Lainu ah ai dawh taktakmi asi a phone no hal ka philh sual cu a poi kho taktak. Ka tonmi thil te ka van tial ta a reltu hna nan dihlak cungah theihthiamnak he lawmhnak tampi ka nei.
Channews Daily
No comments:
Write comments