Merry Eden rosly: Kanu le kapa hi sifak an si kanu pawchung in ka chuah kumkhat kasi ah ka tak cungah zawtnak thalo hmabo nih a ka tlunh, kanu le kapa nih kadamnak ding caah an phaisa dihlak tiangin an ka thlawpbul kum 4 kasi tiangah ka dam kholo i chawva zonh a dih cang. Kanu le kapa cu keimah cungah an thin a hungtuk i nikhat cu bia an i ruah an i ruahmi cu ( kan fanu hi minih an hmuh lonak hmun ah kan hlonh a hau cang kan neihmi zong a dih, dih cang caah a thar in nau neih kan i tim la) tiin an i ruahmi ka theih tikah keimah telawngin ka tap. Zaan ka it lio ahcun kapa nih a ka cawi i kanu he hmunkhat ah an kalpi kai hngilh lonain keimah ruangah kanu le kapa an lungretheih ding ka sian hna lo caah theih lo bantuk in ka um ko.
Zinglei ka van i țhang i ka pawngte ah meitek pakhat le Buri pakhat cu ka pawngte ah kahmuh. Buri cu ka van kau ii, An hringso le Kawpi hlum pakhat ka hmuh. Ngakchia ka sinain kalung a fim caah eiding asi ti ka theih. Kakhua a sik tuk i mei cu ka kau. Ramlak a hohmanh an um lonak asi caah thawngpang zeihmanh a um lo ka ning a tih i kanu le kapa ka ngai. Zing niceu dawh chuak ka hmuh cun muihnak nih a ka phen tilo caah ka hna a ngam. Ka rawl a taam Kawpi hlum kaei ka ei kho lo ei a hartuk. Khualei tlung ka duh tlunnak lam ka thei kho ti cu. Caan a sau cun kai hrukmi angki cu an tlek i ka bawngbi cu vawlei dip nih a kai hna. Ka rawl a taamtuk cang caah theitlai kawl dingin hmun dangah kai țhial a hlat nawn in theipi kung pakhat ka hmuh i cuka thei cu ka lawh i ka i kapaw a kim ka hna a ngam. Sinain ka hma a puang caah nganfah taktak in keimah lawng ka hram.
Ka hramnak aw a hohmanh nih an thei lo, ka ti a hal ti umnak hmun ka thei lo thih kai tim cang. Tlawmpal ah vancung leiin ruahti nih a ka tlak i hnangam nak in ka khat țhan. Caan sau cun kum 12 kasi ve cang minung holh ka thiam lo. Kanu kapa ka rawltaam ti cu ka thiam. Nikhat cu kai chawk nak ah ruah lopiin khur pakhat chungah ka tla a thuk ngai caah kakai kho lo. A chung cu a muituk nain hmunkhat tete ah meifar bantukin a ceumi tete hna cu ka heihmuh. Kalak i ka tongh hna tikah lungvar man sung an rak si. Ka ton ballomi le ka hmuh theih bal lomi asinain khua ka ruah mah hi cu thil tha phun khat asi lai tiin kut tum ngaw 3 te cu kalak ii, ka hmaika ah kai chiah. Angki bangbi loin ka um keimah lawng kasi caah ningzah ka thei lo. Zaan hnih chung khurchung ah ka um cang nain rawltam tihal in ka rak thilo khurchung i a ummi zuunhri cu ka peh hna i cuti cun lengah ka chuak kho.
Nilhat zing cu awthawng pakhat ka thei ka van zoh i meithal sau pahnih an i put i, nupa hna cu ka sin lei ah an van panh cuahmah an ka hmuh i cuti cun an khua ah an ka tlungpi a haltuk nak ah asi. Buri tlek in ka tommi cu ka van hmuh hna i an lautuk an lautuk bia tampi an ka hal ka thiamlo caah kanu kapa ka rawltaam tilawngin ka chawnh khawh hna. An ka dawt tuk i an fa bantukin an ka zoh caah holh cu duhsahsuhsah in an ka chimh i kum 21 kasi ah holh ka thiamtuk cang sifak te an si ve cah kaiputmi lungvar cu kapek hna i an zuar. Kum 23 kasi ah inn (tha taktakmi cungah an ka chiah cang. An ka dawtuk caah nikhat cu lungvar man sung um nak lei ah kakalpi hna ka umnak khua Palik cozah nih mawtaw in an kan zulh kan hnulei in a hmun kan phak cu lungvar mansung tamtuk an lak caah kei cu bawi dirhmum tianh ka phan cang
No comments:
Write comments