Nikhat cu lamkam ah keimah nakin ngakchia deuhmi Pa pahnih rawltaam tihal in a ummi kahmuh. Kakut chungah Hmuk pakhat kaaken pek ding zeihmanh ka neilo. An pawngte ah ka va kal i kanau na nu le napa teh tiah ahal. An thi cang a kati. Keimah bantuk na si ve mu tiah ka leh. Kakut chungi Hmuk pakhat te cu hmun thum ah ka cheu i kei pakhat an nihnih pakhat veve kan ei. Sinain a hmetuk caah kan khim kholo. Cuticun ka sin ah ka auh hna i lamkam ah țhut in nikhat hnu nikhat caan kan hman.
Zaanlei sang kan umnak lei ah tlung kan i timpah ah ngakchia bupi nih mipakhat an felh cuahmah mi cu kan hmu ka va zaam i ti hlah uh tiah kakham hna Fung in an ka tuk i kakut pakhat a kiak, sizung kalnak phaisa ka nei lo. Kaluu a kuai. Mithli he caan ka hman țhan. Sihmanh sehlaw Pathian nih a ka umpi caah damnak ka hmu țhan. Ka sin ah keimah tel in minung 4 kan si cang. A ho hmanh nu lepa neilo lawngte kan si. Sihmanh sehlaw kan nih4 nihcun vancung khua i a ummi kan pa kan Pathian kan biak zungzal, vawlei cungah nulepa kan neilo nain a nungmi Pathian kan neih caah nitin kan eidin kongah kan lungre a thei lo.
Nikhat cu lamkam kan i chawk lio hna ah Mirum taktak pakhatnih an hmai in ka hruai hna i ka hnulei tein an ratko kha a kan hmuh tikah a zaan kan faktuk i a innkam lamkam ah rawl a kanpek kan paw a khimtuk an i nuamtuk kan sifah le kan retheih vialte kan philh dih. Mirum pa nih kan min cio a kan hal hna i a hohmanh an min an chim kholo ka ngeihchiatuk, nulepa min an kan hal țhan an chimkho lo an nu an pa can ah keimah JOHAN PETER cu an ka sawh. Ka zoh hna i ka ngeihchiatnak in ka lungthli in Pathian sin ah thlaza ka cam " maw bawipa nafa le hi na kan dawttaktak asi ahcun nikhatkhat cu mah hi kan harsatnak chung hin luatnak kan pe law kan caah a tha ningin khua kan khan piak ko ” tiah a cam.
Ruah asur zaan ihnak ah kan him tilo. Ka nau le ka far le hna an mitthli he ruah lakah an tap. Kakal i pawngkam inn pakhat hna cu zaanfah tein tu zaan cu nan innleng ruahnih a surh lonak hmun te ah kan umter u ka ti hna ii, an nih nih kal zawkzak na rimnam an ka ti ka kir țhan. Athaizing cu zingka ka van tho i kan farnu pakhat a tak asatuk i damlo in a um. Sizung kalnak kan neilo a thi sual lai ti ka phang. Ruahlopi in khua ka van ruah i nunnak le thazang vialte a neitu cu Pathian lawnglawng asi ti cu theihnak ka nei țhan. Kan nih hngakchia hna Pathian sian ah thlaza kan cam. Pathian nih a kan leh i kan farnu a dam i, tlun inn a kan onh duhlo tu hna an fanu kanmah tluk asimi cu damkho tilonak zawnak in a tlunh colh. Sihmanh sehlaw kan nih cu damnak kan hmu.
Nikhat cu a linh tuk caah kan vak kholo thingkung nganpi daitang ah kan dihlakin kan țhu liopi ah mipa pakhat kum 46 hrawng asimi pa cu a thiihnai in kan sin lei a van panh liopi cu ka van hmuh i ka van zuanhnawh i kan sin ah a hma cu kan tawlpiak i ka rawltaam a ti. Kannih nih a linh tuk caah eidin hrang kan kawlkholo sinain kan neihmi chanreu pathum te cu kan pek i a ei dih. Eiawk zeihmanh kan nei ti lo. Tlawmpal ah a tho i chawmh ta loin a kal riangmang. Johan Peter: mah bantuk minung cu tiah caan khat te cu ngakchia ka sinain ka zai.
Caan an liam cun kan kum zong an liam ve bangin kum 10 kasi ve cang. Nikhat zing cu kan dihlakin kan tho i kan umnak thingkung nganpi tangin thawng pakhat kan theih kan tihtuk, kan lautuk, zing asinain a thawng a thangtuk caah kan tih. Tlawmpal rau lo te ah khin a cunglei in Helicopter pakhat kan hmuh tlawmpal ah a danglei in Mawtaw tha taktakmi 7 kan hmuh kan umnak pawngte ah an dir i. Helicopter cungin mipa pakhat a van tum cu ngarko in kan zoh, cu thihnai in a khat i changreu pathum a kan eipiak dihtu asi kha ka thei. Ka hmai ah a ra i Kafa ka ngaithiam ka palh, ze'hmanh chim loin kakalnak a ruang cu kanupi naunei ding asinain neikholoin a thi. Misual nih an ka velh i cu caah cun a ka nupi a ruak a hmu manh sual lailo ti ka phang caah asi ka ngaithiam tiah a ti.
Nihin thokin ka sin ah na um lai i ka neihmi vialte cu nangmah ta an si tiah a ti i Helicopter cung a kaipi timh lio ah, Johan Peter nih ka bawipa ka nau le hna chiah ta in na sin ah kan zul kholo. Ka sin i an rat ve na duhlo asi ahcun ka nau le hna hi na sin ah i kalpi hna law keimah tuhi, hika ah ka um lai tiah a ti. A chimmi bia nihcun mirumpa i a sin um vialte hna cu an lung a hno ter i an mitthli a luang. Mirumpa zong ai nuamtuk i an dihlak tein a inn ah a auh hna i vawlei harnak cu kan kaltak cang i vancung i a ummi a nungmi Kan Pathian nih thlawchuah a kanpek tiah Johan Peter cu mitthli he a tap buin cunglei zohpah buin a au. Amen Amen
Channews Daily
No comments:
Write comments