Kapa Ciite nih a al bantukin kan dawt

Nikhat cu chungkhar hna i an pa bik asimi chuah ni lawmhnak ( Happy Birthday)  cu afa le 5 nih an tuahpiak. Nuam taktakin caan an hman. An pa bik asimi nih a fale 5 hna cu a thawh hna i pakhat hnu pakhat in bia a hal hna.  Upa bik. Kafapa zeitluk in dah na kadawt, kapa ka nunak dihlak tiangin kan dawt. A changtupa kafapa nangteh zeitlukin dah na ka dawt. Kapa van le vawleinak in kan dawtnak a ngan deuh. A changtu nu, kafanu zeitlukin dah na ka dawh. Kapa vawlei cung thil hna le these hna manh nih kan dawtnak cu zeitik hmanh ah an zat kho lailo. A hniangbik fanu, kafau nang teh zeitluk in dah na ka dawt. Kapa Ciite nih a al bantukin kan dawt tiah a leh.

Apa a thin a hungtuk i nangmah bantuk fanu hi Hringtu napa na ka daw lo a ti ii, a țhutnak hmun in a rannak in na thil i tim law innchungin chuak tiah a țhawl. Fanu te cu chimawk a thei lo i lo diam inn cun a chuak.

Caan an liam nikhua caan a van kiam cun Mirumpa pakhat nih țhitumnak puai a tuah i mah hna chungkhar cu a sawm ve hna. ( Pa nih a țhawlmi a fanu a țhiang țhitumnak puai asi)  a nule a pe le a unau hohmanh nih an thei lo.

An chungkhar te cun a thiang țhitumnak puai ah an va kal. Cabuai pakhat ah an țhu hna i rawl ei ding cun Buh le Meh cu an chiahpiak pah ah khin a fanu nihcun rawlpetu hna cu a thawh hna i Khika ah a țhumi an pa bik khi rawl le meh nan pek tikah Ciite pe hlah uh Ciite tel loin rakpe uh tiah a ti hna. Rawl cu an van ei i Ciite a um lo caah an pa bik cu a ei kho hrimhrim lo. Ciite vanhal hna dingah le mipi an tamtuk caah a ngamh fawn lo. A si a vangtuk cang. Um dan a thiam tilo.

Mah tlawmpal ahcun Monu le Mopa cu an ra i Mopa nih kapa rawl tampi nih ei mu tiah a van ti bakin a van zoh i a fanu a thiang țhitumnak puai asi kha a van theih. An khuaruah a har ngaingai. Ruah lopi in a fanu nih kapa Ciite nih a al bantukin kan dawt a timi kha a lung a van fim i,  aw ka fanu a hniangbik nih a ka dawtnak hi pei hringtu Pa le a dawtnak taktak cu asi tiah apa cu lungfiang nak a nei. A dih
Channews daily