Kanu zong asi ii, Kapa zong asi, Kei cu ka hme i, a nih cu a ngan. Kakal khawh lonak hmunpaoh ah a ka cawi tu kanu le kapa asi

Nikhat cu hohmanh nih an um kal ngam lonak tlangcung sangah hringtu a nu nih fapa thla 9 lawng asirihmi cu a va hlonh. Lakfa asi caah khuami hnanih an ka thah sual lai ti a phang caah asi. Ngakchia te cu a tap thluahmah tlang cungah ahohmanh an um lo. Ngakchia a tah au thawng ahohmanh nih an thei kho ti lo. Atap a aihram thluahmah liopi ahcun ( Vui)  nupa hna pahnih an rak hmuh i ngakchia te cu atap nakin a van dai riangmang. Vui nupa hnanih cun an kaltak tlawmpal ah hmuh ding zeihmanh a neitilo i a tap than. An kir i a ngam than caah ( Vui ) nganpi nupa hnanih cun an lak i a hlatkhawhnak hlatnak hmunhma ah an kalpi.

Minung nih an eimi rawl a ei ve lo. Ramlak i a ummi thingthei hna cu a ei hna i tihring cu a din. Cuticun nikhat hnu nikhat in a țhang lian i kum 7 a hung si ve cang.  Minung bantukin a holh kholo i zei holh hmanh a thiam lo. Sinain a lungchungah a ummi bia pakhat cu kanu zong asi i kapa zong asi timi hi a um.  Sinain a ka nih a chimkholo. Ramlak ah (vui) hna he an i kom i cuticun nuamtakin caan an rak hmang. Nikhat cu an umnak hmun ah thingthei a tlawmtuk caang caah hmun dangah i țhial dingin an kal. An kal chuahmah loipi ahcun an hmai ah ( Pawpi) ngan tak pakhatnih ngakchia te seh dingin lam a rak kham hna.

( Vui)  nupa hnanih (Pawpi) nih ngakchiate seh a duh ti an hngalh caah an lailakah an chiah i cutin cun duhsah in an kal. (Pawpi) a zohkho tilo caah ngaichia pate cu seh dingin a van zuanhnawh . Ngakchia pa nih a tihtuk i (vui)pa a pawtangah a lut cun (vui) nupa le (pawpi) cu an i sual cuahmah cang.  Pawpi cu (vui)nupa hnanih an thahkhawh harnak he caan an hmang. Pawpi nih Vui nu cu a hlaim ve caah sau hmanh kalkhawh loin an dawtmi Ngakchia te khamh ruangah a tlu i a tluknak hmun ah a nunnak zong a liam ve. ( ngakchia pa a celh hrimhrim lo) kal (Vui) pa zong a mitthli a luang riangmang. Ngakchia pa te cu a rawl a taamtuk cang caah a kalkho tilo i a tlu ve cang. An pawngkam ah eiding thingthei le Ti a umlo caah asi.

Vui pa nihcun a nawr in a cawi i a HO cungah a chiah i cu ti cum thingthei umnak leiram hmun ah a kalpi. Thingthei umnak le ti umnak an phan cun Vui nihcun ngakchiapa cu tichungah a chiah i cu ti cun a van i hrim i a nunnak caah thaazang tha ti arak si. An pahnih in an i nuamtuk i hmah ti umnak hmun ahcun Vui nganpi le Ngakchia pa te cu lente nuam ngai in an i celh. An ngeihchiatnak an philh dih cang i nuamhnak thingthei ramhmun ah an phan.

Nuamtakin an lengtti lio caan ah ruahlopi in ( phung)  tiin meithal puahbthawng nih (vui)ngnpi a hngak ah meithl kuanfang cu a pil riangmang. Afak a theitikah ngakchiah amah lawng taantak ding a ruah tikah vuipi a mitthli a luang riangmang.  Thazang a neih chunmi dihlak chuah in Ngakchia pa he hmun dangah an zaam Khuapi leiin arami meithal ken Vui kahtu hnanih cun an van dawi colh ve hna sinain Ngakchia pakhat a um ti an thei lo. An nih pahnih zong cak takin an zaamnak ah ruahlopi in Lungpang pawng an phan i kalnak an nei ti lo. Ngakchia pa nih Vui a nawr cu ai tleih i a mitthli a biangcungin a faktukmi tuarnak mithli a luang.

An kan dawi ti an theih caah Kan zuan lo asi ahcun meithal nih an ka kah țhan lai ti cu (Vui)pi nih ai theih riangmang. A dawitu hnanih an neih deuh cang caah Vui nih ngakchiapa țhen asianglo bantukin ngakchiapa zongnih țhen a siang ve hrimhrim lo caah Lungpang cungin an pahnih in an zuang dara. An tlak cuahmah liopi ahcun ( Vui) ngapi nihcun ngakchia pa i a tai cu a nawr in a ngerh i a taangcungah a pom. Vui nganpi a mitthli a dongkho lo. A donghnak hmun vawlei tang an phak tikah cun Vui nganpi cu tangah a um i ngakchiapa cu Vui i a tangcungah himte in a um.

Tlawmpal ah ngakchiapa cu a van i hlau i a dawtmi Vui nganpi cu a nawr in a tleih i a lungchung bia in kanu kapa thocang kankal cang lai tiin a dawh sihmanh sehlaw Vui nganpi a tuar ning a faktuk cang caah a thokho tilo i duhsah duhsah in dawtnak biangcung a mitthli he ngakchiapa cu a zoh buin a mit cu duhsah duhsah in ai chinriangmang. Ngakchiapa a tleikho hrim lo. A dawtu Vui nganpi nih a liamtak cang tu ahcun a mah lawngin a um cang. A rawltaam can ah a cawitu Vui nganpi a eiding caah hmunhma thar a phakpitu Vui nganpi a nunnak caah a khamhtu Vui nganpi nihba sianlo ngakchiapa cu a kaltak cang. Kanu zong na si i, kapa zong na si.( Ngak Chiapa )
# peh țhan ding #
Channews Daily