Khine Khine Htun i a kengcungah asaa mi in a kanghnak hliamhma hna cu a ri tete in a um i, mah hna cu Oreng pakhat cio nan fir i nan ei tiin sualphotnak ruangah Inn neitu nih tisatlawk in a toihmi hliamhma asi.Arum ngaimi inn ah ngakchia hna cu rianfial awk hna ah sal bantukin a cawmzohkhenh tu Mawlamyine khuapi i Inn pakhat ah kum 14 nute Khine Khine Htun le a naunu asimi hna cu misin um inn riantuan in kum saupi rian an rak tuan.
” Daw Aye Aye Suu nih datbu pakhat arak lak i, keimah i ka orhlei kam ka ka tak cungah a ka toih i thil sining hman tein chim a ka ti. Keimah nih a mah i a chim bantukin Oreng thei pumkhat zong a um lo tiah ka leh.
tisa nih a ka toih ruangah a au tikah a mah nih kaluu cu a ka den țhan. Ka thii a tamtuk”tiah AFP news țhanah ah atutan zarh ah hin ka rak chim.
Khine Khine Htun cu kum 40 asimi Daw Aye Aye Su le anu asimi Daw Tin Peiung hna inn ah kum 3 hrawng inn riantuan mi sinum in rian a tuan dih hnu in a luatnak hi asi.
APa sii cawknak ding caah bomhkhawh dingin mah inn ahcun apa nih a chiah hnu ah kum 12 asimi a Naunu Ta Zin Aung zong a hnu ahcun arak chiah ve țhan. A hramthok ahcun Khine Khine Htun hi nikhat ah nazi 17 tiang rian a tuan i a hmuhmi phaisa hi thlakhat ah Thong 30,000 a hmu nain 2015 kum ah apa cu a thi i , apa a thih hnu ah tu bantukin hrem le velh hram a thok hi a si. Thawngpang - AFP
No comments:
Write comments