Ka dawtmi, Sui Sui cu Pa Lian le a chungkhar hnanih ka Taangnem cun in

Khuasik caan zing niceu dawhte a hungchuak daptti nih an hungtla tlangcung in vate awdawh hnanih khiang riangmang in thinlung hlau in an rungawn inn a chia nawnte pakhat chungin Cung Cung cu a eiding chuncaw i rawnh in an nun khuasaknak caah zingka tein khuasik dapti lakah Lo facang tuan dingah ai thawh. Hawi bantukin a neihmi Lo cu facang a thatuk caah a hohmang an kal hlan in Cung Cung cu Lo ah a kal tawn. Sifak asi caah hawi sin zongah a chuak langngam tawn lo. Cung Cung hi pumruatha le muidawh patling takmi pakhat zong asi zuu zong a ding lo i,  mi sual hna he zong aikom lomi tlangval thatak asi.

Nikhat cu an khua laifangah Zuamnak a phunphun puai nagnpi pakhat an tuahnak ahcun va zohawk ah ai thawh ve hawi bantukin thilpuan tha hruk ding a neih lo caah hawi sin zongah a tlawngleng ngam lo tein hmun dang tein an puai tuahmi cu a hei zoh ve hna. A zohnak hmun in hmun danglei ah kal a van i timh bakah Sui Sui timi nungak dawhtak rum zong a rum bakmi hecun ruahlopiin an i pah sual ai Cung Cung nihcun kapalh tuk ka ngaithiam tiah a Sui Sui nih ai ken i a thlak ngahmi changreu te cu kun in a lakpah khin a hei ti Sui Sui cu a thin a hungtuk i Cung Cung cu a dir hlan ah a hei nam. Cu lio cu Mirum asi ve mi Pa Lian nih a van neih hna i Cung Cung cu zeiruangah dah hi bantukin thil na tuah a ti i, a biangah ngal lakin Pa Lian nihcun a hei thongh, Pa Lian nih Sui Sui cu a uar caah rak ka duh ve seh ti a duh caah Cung Cung cu hnarthi chuak lakin a hei thong.

Cung Cung cu a hnarthi a luang pah buin a van tho ii, mithmai panh tein Sui cu a heizoh i, ka palh tuk ka ngaithiam tiah a ti țhan i a kaltak hna.  Sui Sui nih Cung Cung a mithmai panh le pa dawh pumrua tha tak asi a van hmuh tikah a lungchungah Cung Cung a rak caam. Sui Sui nih a va dawi i ( um ta rih) (um ta rih)  tiah a van au. Cung Cung nihcun ngeihthiam kan hal cang ii, hi tluk tiangin nan ka ti hnu ahcun a zako cang tiah ka ruah tiin a van ti. Sui Sui nihcun a hmuh bakin hipa hi pafim patha asi ti a theih tikah a lung chungah Cung Cung a rak caamnak cu asi.

Sui Sui nih a van i thawh i asilo tunai kha keimah kapalh tiah a van ti ve. Cu ticun theihthiam nak an nei veve i nikhat cu caan a liam. Sui Sui cu umawk thalo bakin khua a ruah cang a min zong ka hal manh lo, a umnak zong kahal manh lo keimah hi mihrut nu kasi ttin amah le mah cu luukheuh pah in innchung ahcun ai hel len cang, zeitin dah a umnak ka theih lai i kahmuh khawh lai tilawng lawng a ruat cang. Nikhat cu Cung Cung le a farnu Par Te cu an eiawk caah zingka tein Bazar ah an kal . An eiawk ding an cawk cuahmah liopi ahcun Cung Cung nih Sui Sui le Pa Lian cu a hei hmuh hna i kafar hika lei hin i țhial usih a ti i an kal timh ah khin Sui Sui nihcun ruahlopi cun a hei hmuh hna i Pa Lian cu cikhate rak um tarih ati i Cung Cung te leinhcun a val. An pawng te khin a hei auh hna i Ka U thilmaw nan rak vaw ve ti khin Sui Sui nih a hei chawnh hna i Cung Cg nihcun aw asi tiah a leh tlawmpal ah khin Pa Lian cu an sin a hun phan ve.

Pa Lian nihcun a van i thawh i aw nangmah maw nasi hoi voikhat lawng naaza lo i voihnih tiang na duh tinak si cu tikhin nek nawn in a hei ti Sui Sui cu nulepa nih lungtlingmi kan si caah na chawnh biak a herh lo tiah a van ti bakah Cung Cung afar Par Te nihcun a van i thawh i aho nasi zong kan in thei lo Sui Sui nati mi zong aho si kan thei lo cu caah nanmah lam te kha va kal ve ko uh tiah a van leh. Sui Sui cu a mithmai a chia taktak i Par Te cu Cung Cung i a nungak ah a hei ruah cang. Cuticun nikhat caan an liam țhan cang.

Nilhat zing cu Sui Sui a um khobak tilo i Cung Cung hmuh lo hlan le lungchung bia chimkhawh hlan lo ka kawl lai tiin inn cun a thli tein a chuak. A kawl len nain a hmu kholo an khua cu khuapi asi bangin Cung Cung a umnak cu an khuapi kil lei ah a va fawn.  Khuapi chung cu ni hnih tiang a kawl a hmu lo. A rawl zong a taamtuk cang phaisa le a neihmi vialte co zeihmanh aiken lo caah zeihmah a eikho lo. Nikhat zing cu Palian a kaltawnnak lamkam thinkung tang te ahcun Sui Sui cu Cung Cung zuun cuai in le rawltaam tihal in a heițhut liopi ahkhin a hlatnawn te khin Zal aibeimi pakhat cu a heihmuh a rawl a taamtuk cang caah hipa hi zangfah tein naikem mi na rawl tlawmpal le natii kape kosawh tiin ka hal tiah ruahnak cu a van nei. Zingka dapti a tlak pah lio asi caah muizong fiangfai tukin i hmuhkhawh asi lo.

A pawngka a van phak bakcun Sui Sui cu a kun i ka U zangfah tein karawl a taamtuk i na rawl tlawmpal in ka eiter ve tiin a ke cu a tleihpah khin a van hal. Ka nau tholaw ka rawl hi rak ei tiah a van ti cu aw a van theihcun Sui Sui cu cunglei a van zoh i, ,,,, a hmuhka in a lungchungah a cam i a philh kholomi le tutiang a kawlmi Cung Cung asi kha fiang tein a van hmuh tikah ai nuam tuk ii a mitthli he Cung Cung a taang nem cungah a hei kuh ( zing dap nih a tla ,dawtnak  mitthli a luang, Cung Cung a taang nem cungah pom in Sui Sui ai nuam tuk khuasik caan asinain Sui Sui cu a lum in Cung Cung tang cungah pom asi)  dawtnak in a kawlmi Cung Cung cu zing dapti tlak rawltaam in Sui Sui nih a hmuh cang. Cung Cung nih Sui Sui a van thawh ii, .......................................
Channes Daily