Monday 27 February 2017
Opinion: kanmah hna i kan meithal nih khoika lei hmun dah a hoih
30 minutes ago, updated 26 minutes ago
Kanmah ca kan cawnnak khan hna cu kan rak ngeinak a ruang pakhat lawng a um. Mah hmun cu kan kir ti lo ruangah. Cuti asilo ahcun kanmah nih ngai ding zeihmanh a um lo.
Ngakchia hna cu rak hal chun hna cacawn in ai nuam mi pa zeizah dah an um tiah. Zeibantuk minung tampi nih dah cacawn liopi ah sayamah cu ka duhdawt taktak ko a timi hna hi pa zeizat dah an um ? Keimah pakhat lawng i ka hmuh ning ahcun anbrak tlawm tuk ko.
Hika hmun in ka chimduhnak siangngakchia hna cu University khi a hei sawhbia a ai lo.kum 7 in 13 karlak i ngakchia hna khi. A tlawmtukmi ngakchia hnanih cacawn hi an rak duh. Sinain mitampi cu thuhphenh lo tein hal asi ahcun lonhkhawh asilomi rian pakhat bantukin an tuahnak cu na rak hmuh lai.
Mah cu zeiruangah dah asi.
Fimthiamnak hi a nganbik hmailei lamkong caah laksawng thatuk asi tiah an chim.mah cu zeiruang ahdah asi. Fimthiamnak hi ngakchia hna cu kanmah nih kan duhnak mitha timi sanchinghmi dingin kan rak dawh. Phundang incun kanmah minung phu hnanih kan duhmi sanching hna he kan ngiat i kan rak kah mi bantuk khin.
Zeiruangah dah cacawnnak khan hna hi a rak king ngaingai e nan ruat bal maw ? Zeidah asi ti ahcun Upa hnanih hnachet thawng hi an duh lo ruangah asi. Mah bantuk putnak ruangah ngakchia hna cu biachimnak an pe duh hna lo. Kanmah hna nih ngakchia hna cu fimthiamnak in khatlei ah kan rak khiah hna. Cun an mah nih si an duhmi cu sikho dingin vuak in kan siter hna. A dik lomi fimthiamnak nih kanmah hna cu nahchuah in a kan tuah.mi pakhat lei cungah zumhnak lungthin a thianglim lomi palhnak tiang a tuah.
Kanmah i kan ngakchia hna cu midang ngakchia nak in a thiam deuh timi piah dingah a fawibikmi phungkhat asi caah asi. Ka fapa zeitluk in dah a fim a thiam timi piah ding ahcun a sinh zeizah dah a ngah chimnak in a rak dih tawn cu.
Social Media Marketing
Falam kum 125 tlinnak le Singzung, Senpi Inn kum 100 tlinnak puai ni chun ah Rev. D. Ngun Thawng Mang i a nupi Pi Sui Zi nih a thlau mi sui Țhi (sui tickle 1) cu a rak chartu Mai Sui Sing nih tuanvo neitu upa hna sin ah pekin a neitu cu theihter than a si.
Sui fau thlautu Pi Sui Zi nih cun, “Kan i lawmtuk hringhran . Falam mi hna i an dinfelnak le zawnruah thiamnak cungah kan upat chinchin. Ka Sui Țhi hi kai hruk balmi a silo. Puai ni sunglawinak ah tiin kai hruk chun mi te ah a tlau i ka lungre a thei ngaingai , sinain a tu cu lunglomhnak in ka khat,” tiah a chimmi bia cu Chinland Herald sin ah a chim.
Sui Țhi a chartu Mai Sui Siang cu Falam NTS ah kum khatnak a cawng cuahmah liomi laimi nih zohchunawktlak taktak nungak asi.
Source @ Chinland Herald
VCTH
Falam nunzia dawh a langhtertu Mai Sui Siang
Sunday 26 February 2017
Tleihkhih a tongmi Germany rammipa pakhat cu Abusayyaf ralhrang phu hnanih a luutan in an thah cang tiah Philioine palik phu hnanih Feb 27 ni ah langhter in an chim.
Mah thah dingah an tleihmi pa luatnak ding caah a tlanhnak ding caah tiin phaisa an hal konain a tlam a tling lo i a tu bantuk in a ri a ni an khiahmi caan a dih cang caah an tleihmipa cu a luutan in an thah tiah Philipine riantneitu tuanvo latu hnanih an chim.
Philipine cheukhat ah a cawlcangmi IS hna i a minung Abusayyaf ralhrang phu hnanih Germany rammi an tleihmipa kum 70 hrawng asimi Ganna timipa cu an chiah sawhsawh i a tlanhnak ding caah phaisa an rak halnak asi.
Abusayyaf phu hna hi Philipine nitlak thlanglei hrawnghrangah a cawlcang mi phu pakhat an si i, Bomb puah nak, Mitleih ke, Mithah ti bantuk hna cu sualnak a tuahtu hna phu zong an si.
Atu kum chung zongah khan mah hna phu nihcun Caneda anbtleihmi hna cu an luutan in anbrak thahnak hna zong a rak um.
Mizzima
Abu-Sayyaf ralhrangbphu hnanih Germany rammi an tleihmipa cu a luutan in an thah cang tiah Philipine nih a chim
Indianapolis i Chin biakinn pakhat a simi Bathel Chin Baptist Church chairman Pu Cung Thawng (Ukno pa) i a inn cu February 22 zaan nazi 8:20 ah meinih a kang.
Meinih a kanghnak hi Electric ruangah a si. BCBC i Pastor Rev. D. Hrang Peng Ling nih, “kan Chairman Pa Cung Thawng (Uk No pa le nu) te inn cu ruahlopiin ah meinih a kangh i tu hi mangbang vansang in kan um. Homecell khawmh dih kain a kanghmi asinain Pathian zangfahnak in minung ai khawngdeng mi a hohmanh kan umlo.” tiah a ti.
“Kan thilri cu lakawk tha ngai a um lo Insurance lei nih kan timh tuah cuahmah lio. Thla 6 chung cu adang inn ah kan um a hau lai. Kan thinlung a vaivuan dih i a hohmanh kan in chim manh rih lo caah kan ngaithiam uh. Thlacamnak in kan bawm cio hram uh,” tiah innnei tu fapa upabik Ukno nih a ti.
VCTH
Indianapolis ah a ummi BCBC Church Chiarman te’ inn a kang
Merry Ma Ma nih a pumchungah naute pakhat a pawi a pasal hi Lungrial nak ah riantuan mi asi. Marry Ma Ma le a pumchung i a ummi naute nihcun a pasal John Bily cu chun paoh ah a eidin awkah rawl chanh ah an kaltawn. An pum pawcawmnak caah an pahnih retheih in nilkhat hnu nikhat in caan an rak hmanh. Nikhat zing cu Merry Ma Ma cu ruah lopi in a pawfak cang a chung i a ummi naute nuamhnak in a khat riangmang caah a nu cu pawfah in a um. Naute cu a hunchuak i duhnung in a panh thiamtuk bangin hringtu a nu zong nuamhnak in a khat ve. An pum pawcawmnak caah John Billy cu nichiar te din loin thlantiput in lungrial nak ahcun rian a tuan. Caan nih nikhat hnu nikhat in an liam bantukin naute zong cu thla 7 a si ve cang.
Nikhat cu John Bily cu lungnuam lo ngaiin riantuan ah ai thawh. Chun cu a hung phan i rawlchanh dingin naute cu pawkin an kal a hlatnawn in khin kadawt na baatuk maw tiah Merry Ma Ma nihcun a hei chawnh i John Bily nihcun kadawt nan rak phan cang maw tiah a kut a heizo ah khin ruah lopiin lungrialnak sehnih a angki ban cu a rak lak sual i duhsah duhsah in a dawtmi Merry le a fahning te hmai ah mitthil he nunnak liam in caan an rak hman. Sehnih a rial cuahmah liopi John Bily nihcun kadawt ka fanu a min ah Ely Ma Ma-John tiah na sak lai a ti hnu in sehnih a rial dih cikcek. Kadawtmi John Bily zeitin dah keimah lawngin vawleicungah kar ka hlan lai i, zeitin dah ka fanu caah khua ka sak lai tiin lunghno taktak in Merry MaMa cu a tap riangmang. Naute nih kapa athi tiah ruah ding zeihmanh a thei lo.
Merry Ma Ma cu inn lahkhah a pe khotilo i nikhat cu khua a ruah ka fanu caah tiin a pasal a tuannak lungrialnak hmun ahcun riantuan dingin ai timtuah ve cang. Apasal a tuan cianak asi caah an tuan ter ve nilinh lakah khua al lak ah thlantiput in fanute dawt ruangah kut zaphek tlek dih tiangin rian a tuan. Rian a tuan lio ah a fanute cu ngaidem tang hmanh ah chiahkhawh loin nilinh lakah bawm pakhat chungah a rak ihter. Nikhat hnu nikhat in a tuan i fanute zong upa lei a hun panh ve cang caah kum 5 asi ve cang. Kum 5 asi tiangah fanu a dawt tukmi Ely Ma Ma-John nih kakhat hmanh a kaachung in kanu ka rawltaam kati hal tiah a holh rih lo.
Umnak inn an neilo caah fanu sianginn a kaikhawhnak ding ca le inn a neih khawhnak ding caah tiin rian a tuan. Zaanlei a chuak thingkung lianpi pakhat tangah zaan khuadei nikhat hnu nikhat in fikfa lakah caan an rak hmang. Fanu te cu a fimtuk caah a tu tiang kaakhat hmanh holh loin a umnak asi. Ka rawltaam le kati hal caan ah ka tap ahcun kanu a lungrethei tuk sual lai tiah holh loin Ely ngakchia te cu a rak intuar nak asi. Holh a duhtuk konain lungfim ngakchia asi caah hringtu anu harsatnak cu a hrawmh ve. A nu cu nilinh lak i rian a tuannak ah a kut le a ke nih an celh ti lo i tuan kho loin nikhat cu a rak um. Ely nihcun a nu a thawh lan ah a tho i a nu a kut le a ke cu tilum te hmanh so kholoin tikik tein a rak nampiak. Anu cu a baatuk caah zeihmanh thiloin ai hngilh rih ko.
Anu cu ruahlopiin a van i hlau i afanu cu zeidah na tuah tiah a van hro ii, fanu te cu lunghno in khatlei thingkung phen te ah zaam in a mitthli tla in a tap riangmang. Hringtu a nu nih a va dawi i kafa na nu kapalh tuk ka ngaithiam mu tiah a ti. Ely nihcun a van i thawh i ruahlopiin a nu cu a van chawnh Kanu hawi bantukin ruah a sur caan le ni a linh caan ah i dornak ding caah inn kan neilo maw tiah a nu cu a van hal riangmang. Hringtu a nunih fanu dawtmi a aw a theih tikah a lungfah a celh lo ii, ka fanu a holh kho ka fanu nih a nu a ka chawnh tiin fanu dawt cu a taangcungah pom in lunghno taktak in an nufa in mithli he anpa John Bily zong philh lo zuun ngeih in an tap riangmang. Ka fanu na caah inn a um ko tiin fanu tein lungrawk lai sian lo tuk ah a nunih mitthli he a hnemh. Fanu ngakchia te nihcun a nu biangcung i mitthli cu hnawhpiah in kanu taphlah mu kanu na tapmi ka hmuh ahcun ka ngeihchiatuk tiin fanu nih a nu cu a hnemh ve. Kanu na tuanmi rian paoh ah ka ti khawh tawk in kan bomh la tiah fanu dawt a fimmi a nu min le a pa min telh chih in min sakmi Ely MaMa-John nih a nu cu bia a kamh. ( a dong)
Hmailei an kar hlan nak ding konghi ruah ah ngeihchia ngaingai asi ko . Sihmanhsehlaw fanu fim ngakchia a neih caah hringtu a nunih a hnemh kho i, fanu ngakchia te zongnih a nu biangcung mitthli a hnemh kho ve.
( peh than ding hna a um sicun ka van i zuam zau la)
Channews Daily
Nikhat cu John Bily cu lungnuam lo ngaiin riantuan ah ai thawh. Chun cu a hung phan i rawlchanh dingin naute cu pawkin an kal a hlatnawn in khin kadawt na baatuk maw tiah Merry Ma Ma nihcun a hei chawnh i John Bily nihcun kadawt nan rak phan cang maw tiah a kut a heizo ah khin ruah lopiin lungrialnak sehnih a angki ban cu a rak lak sual i duhsah duhsah in a dawtmi Merry le a fahning te hmai ah mitthil he nunnak liam in caan an rak hman. Sehnih a rial cuahmah liopi John Bily nihcun kadawt ka fanu a min ah Ely Ma Ma-John tiah na sak lai a ti hnu in sehnih a rial dih cikcek. Kadawtmi John Bily zeitin dah keimah lawngin vawleicungah kar ka hlan lai i, zeitin dah ka fanu caah khua ka sak lai tiin lunghno taktak in Merry MaMa cu a tap riangmang. Naute nih kapa athi tiah ruah ding zeihmanh a thei lo.
Merry Ma Ma cu inn lahkhah a pe khotilo i nikhat cu khua a ruah ka fanu caah tiin a pasal a tuannak lungrialnak hmun ahcun riantuan dingin ai timtuah ve cang. Apasal a tuan cianak asi caah an tuan ter ve nilinh lakah khua al lak ah thlantiput in fanute dawt ruangah kut zaphek tlek dih tiangin rian a tuan. Rian a tuan lio ah a fanute cu ngaidem tang hmanh ah chiahkhawh loin nilinh lakah bawm pakhat chungah a rak ihter. Nikhat hnu nikhat in a tuan i fanute zong upa lei a hun panh ve cang caah kum 5 asi ve cang. Kum 5 asi tiangah fanu a dawt tukmi Ely Ma Ma-John nih kakhat hmanh a kaachung in kanu ka rawltaam kati hal tiah a holh rih lo.
Umnak inn an neilo caah fanu sianginn a kaikhawhnak ding ca le inn a neih khawhnak ding caah tiin rian a tuan. Zaanlei a chuak thingkung lianpi pakhat tangah zaan khuadei nikhat hnu nikhat in fikfa lakah caan an rak hmang. Fanu te cu a fimtuk caah a tu tiang kaakhat hmanh holh loin a umnak asi. Ka rawltaam le kati hal caan ah ka tap ahcun kanu a lungrethei tuk sual lai tiah holh loin Ely ngakchia te cu a rak intuar nak asi. Holh a duhtuk konain lungfim ngakchia asi caah hringtu anu harsatnak cu a hrawmh ve. A nu cu nilinh lak i rian a tuannak ah a kut le a ke nih an celh ti lo i tuan kho loin nikhat cu a rak um. Ely nihcun a nu a thawh lan ah a tho i a nu a kut le a ke cu tilum te hmanh so kholoin tikik tein a rak nampiak. Anu cu a baatuk caah zeihmanh thiloin ai hngilh rih ko.
Anu cu ruahlopiin a van i hlau i afanu cu zeidah na tuah tiah a van hro ii, fanu te cu lunghno in khatlei thingkung phen te ah zaam in a mitthli tla in a tap riangmang. Hringtu a nu nih a va dawi i kafa na nu kapalh tuk ka ngaithiam mu tiah a ti. Ely nihcun a van i thawh i ruahlopiin a nu cu a van chawnh Kanu hawi bantukin ruah a sur caan le ni a linh caan ah i dornak ding caah inn kan neilo maw tiah a nu cu a van hal riangmang. Hringtu a nunih fanu dawtmi a aw a theih tikah a lungfah a celh lo ii, ka fanu a holh kho ka fanu nih a nu a ka chawnh tiin fanu dawt cu a taangcungah pom in lunghno taktak in an nufa in mithli he anpa John Bily zong philh lo zuun ngeih in an tap riangmang. Ka fanu na caah inn a um ko tiin fanu tein lungrawk lai sian lo tuk ah a nunih mitthli he a hnemh. Fanu ngakchia te nihcun a nu biangcung i mitthli cu hnawhpiah in kanu taphlah mu kanu na tapmi ka hmuh ahcun ka ngeihchiatuk tiin fanu nih a nu cu a hnemh ve. Kanu na tuanmi rian paoh ah ka ti khawh tawk in kan bomh la tiah fanu dawt a fimmi a nu min le a pa min telh chih in min sakmi Ely MaMa-John nih a nu cu bia a kamh. ( a dong)
Hmailei an kar hlan nak ding konghi ruah ah ngeihchia ngaingai asi ko . Sihmanhsehlaw fanu fim ngakchia a neih caah hringtu a nunih a hnemh kho i, fanu ngakchia te zongnih a nu biangcung mitthli a hnemh kho ve.
( peh than ding hna a um sicun ka van i zuam zau la)
Channews Daily
Kanu ruahsur caan le nilinh caan ah i dornak ding ruuninn chiate zong kan neilo maw ? Hringtu a nu a tap
Zarhpini ah Australia le Indonesia hruaitu pahnih hna I ton in tuanbiaruahnak an nei I ram hnih karlak ah raltuknak lei hmuh ning in lungtling tiin an I funtomnak hna cu an langhter.
Aliamcia December thla ah khan Australia ramchung I cawnnak timhtuahnak phun hna cu Indonesia ram cungah nek a nei tiah an ruah ruang ah mah ramhnih cu raltuknak I fonhtomhnak ah lungtling nak a rak um kho lo tiah Indonesia nih a rak langhter bal.
Vuancichok Malcolm Tan Istanbul nih a mah le Indonesia President hna cu suimilam pahnih a rau tuanbiaruahnak an nei dih hnu ah I vennak le raltuknak cawnnak kongkau hna cu a hlan bantuk in I fonhtomh than dingah an lungtlinh nak hna an chim.
Australia ramchungah ram hruaitu sinak in a voikhat nak khualtlawng ah a phan mi Indonesia president nih an pawngkam ram hna zong sipuazi tuah tti kho dingin zong a lungtling nak hna cu thawng latu hna sin ah a chim.
Australia le Indonesia ramhnih raltuknak lei i fonhtomh than dingin an langhter
Germany ramchung, nitlak thlanglei i a ummi Heidelberg khuapi i Feb 25 ni ah mipi kalnak lamcungah mawtaw in nekneih tihrim in a teihnak hna ruangah minung pakhat a thi i 2 nih an i hliam.
Mawtaw nih a pahtu hi kum 35 Germany rammi asi i a dang ram in a ra mi a um thaimi asi lo tiah Germany palik hnanih an chim.
Mah pa cu Namte pakhat i tleih in a zaam ruangah palik hnanih meithal in an kah i an tleih hliamhma zong fak ngaingai a pu tiah palik phu hnanih an chim.
Zeiruangah dah mawtaw nih a teih /pah hna ti cu fiangfai in an thei lonain ralhrang dohnak phunphai asi tiin a si fawn lo tiah Palik phu hnanih an chim.
Hliamhma a pumi kum 73 Germany ram pa cu sizungah a thi i a dang pahnih hna cu mi ramdang mi an si.
Mah mawtaw nih tihrim in a teihtupa hi pawngkam Media hnanih a thluak a tling lomi asi an ti nain palik phu hnanih cun an fianh rih lo.
DVB
Mipi kalnak lamcungah mawtaw nih a teih hna i Namte i ken in a zaammi pa meithal in an kah ( video)
Saturday 25 February 2017
![](https://blogger.googleusercontent.com/img/b/R29vZ2xl/AVvXsEgh5pV-ThHJxrPvr93cLuylQMXVel4nE5-w9_sHZAMByyfzWjFLSj-E0Y91N9uZDCfnu7rbBg8a6haGZP1Nyf0Pqf-qTszagXFz7BkcuzIZx1_8ytBmvzIfnFDrld8XLgaG0zm8-sU7yvZr/s320/PAY-Bolivar-State-Venezeuela-768x511.jpg)
Khuaruahhar asimi hlasatu hna bu hi Venezuela ramchung BULIBA pyine i a ummi a chahtukmi thing hna cu sam in zarh 6 rau in tlang lungpang cu an rak kai.
Lungpang a san Pe 1640 tiangbak an kai i a cungbik i hmunhma hmete pakhat ah umnak hmun an khuar. Phu lutmi hna cu khualtlawng kalnak lio ah Guiter , Phenglawi, A hrut in a ngamhbtakmi phu hna tiin sullam a simi “Jungle Jamming” khualtlawng hna tiah m'n an rak pek hna.
“kanmah nih kan theihmi cu tlangcung lungpang vialte lak ah vawleicung i a harbik lungpang pakhat zong asi kho, mah ruangah cun mah hi lungpang ah hin khualtlawng kal dingin biakhiahnak kan nei tiah ” Mr.Mr Nawaz nih a chim. DVB
Lungpang a san pe 1600 cungin a ngamh sangin a hrutmi Guiter hlasa hu hna
![](https://blogger.googleusercontent.com/img/b/R29vZ2xl/AVvXsEgcmhxa2f3Hq6JH3WaT6qwh0LS0b5YlAaQ7LFGG1QDrKvzmUPgZenBaFfXajmGMOTF0JDbNw9IrDLL0jAKph9Jy2nj0HwVvslIHd7dfXT-4DBWNuItx0WEp_9vGlRwvKLS_O30dYfey-3rm/s320/Pu-CIn-Sian-Thang.jpg)
ZCD Secretary Pu Zam Za Mung nih, “a tu kum i tuahmi cu Miphun sirhsan i ramkhel biaruah ronhnak a si.
Mah biaruahronhnak cu hriamtlai phu hna le ramkhel party pawl i tuah khomi a si.
Curuangah kannih cu tukum tuahmi ah i tello in a dangtin kan tuah ve te lai,” tiah a tinak bia cu The Chinland Post nih a phuang. Tukum Thantlang i tuah dingmi itonnak hruaitu “Chin National Dialogues Joint Committee” chungtel minung 9 ah Hakha/Thantlang leimi minung 7 an i tel.
Chin ramkulh ah National-Level Political Dialogues tuah lo dingin UPDJC in an rak ti vuatvat nain, a hnu ahcun Thantlang khau ah nan tuah ding a si ahcun siannak nan hmuh lai tiah an ti i curuangah tuah than a si.
ZCD i mahte tuahtimhmi Political Dialogue cu Kum Zabi 21 Panglong hlan ah cun asi thiam ti lo ding ruangah Kum Zabi 21 Panglong tuanbiaruahnak dih hnu lei ah a si te lai.
Pu Cin Sian Thang hruai mi ZCD party cu 2015 i thimnak ah MP hmun 6 teinak a cotu an si i, Chin ramkulh tualthut party i teinak a cotu um chun an si.
Curuangah Chin ramkulh ramkhel party aiawh in Rampi remdaihnak conference, Kum Zabi 21 Panglong, a kakhotu cu an mah lawng an si. VCTH
Chin National Level Political Dialogues ah ZCD kai lo dg
![](https://blogger.googleusercontent.com/img/b/R29vZ2xl/AVvXsEgeTo9g7fk1PHSReFqi7sVXBnICcuyQ0-sLC69muqsBUkn9e_fM_aSARrX_p64yU2uApBu3KnWZ0VmVS66mjp635ouDZ4HBHeSzRGxa9LjzBi0w3o_bipfUKZXE8Pe5An-K20dgCbMcmr2w/s320/President-1-1024x752.jpg)
![](https://blogger.googleusercontent.com/img/b/R29vZ2xl/AVvXsEhbAsrD-M7ebd09BtZqgFnrhhycdj3opGsL2dOh2vlLVFfTv5FwY_rHhE0k33Gw2Ak6-aXjfMrpigHtVxLmpUGqHG_Rc8LPl7kTcQJ3Qjl_zpSu57731DnDgrnPgOa6efQuxC0TlSIYLWUe/s320/4.jpg)
President U Htin Kyaw Falam a ra lio hmanthlak hna.a chungah tamlak te zoh dingah ka chiah
Tih a neilomi tleirawl kum 14 asimi pakhat cu an mah chungkhar i mawtaw tangah a lutmi Rul a sau pe 6 asimi Lim pakhat cu a rak tleih. Australia ramchung Queensland khuapi i Li Wah toy Pop kum 14 asimi nih an mawtaw tang i a lutmi Rulpi cu kuthruk pakhat lawng i hruk in daitein a hei tleih zuai ko.
Mawtaw tang i a lutmi rul cu tleih a timh ah hin rul nih a hmai le a taang hna cu ngerh a timhnak hna video chungah nan hmuh ko la. Kut hruk ai hruk lonak a kut khat telei zing hmangin rul cu a rak tleih.
Cun Rulpi i a luu cu kut hruk ai hruknak lei a kut in a van tleih i a luu ka tleihkhawh cang tiah nuam ngaingai in a chim. Rul a rak tleih lio ah hin a hawi le te nih pawngkam in an um i Rul zong nih a rak ngerh len ve ko.
Apa nih Rul a tleih liomi hmanthlak hna cu a facebook ah a langhter i, mah hi keimah ka fapa asi . Kum 5 hrawng asi in hi bantuk hi a rak tkeihkhawh cang. Sianginn a kal hlan ah a tleih hi asi tiah a pa nih a langhter.
DVB
Mawtaw tang i a lukmi Rul a sau pe 6 asimi cu Tih lo taktak in a tleihtu tleirawl te ( video)
Tuluk ramchung nichuah thlanglei i a ummi Hotel pakhat mei faktak in a kanghnak ruangah minung 10 an thi tiah Tuluk cozah News țhanah Sinhua nih a langhter.
Feb 25 ni zingka ah Jian Zealand Nanchan khuapi i a ummi Hotel pakhat ah meikangh hram a thok i Hotel i riantuan tu hna le a remhtu hna zong tamlak te lengah chuahkhawh loin an um.
Hotel i a dohhnihnak thlalangawng in a zuangmi pakhat cu ai hliam i sizungah an kuat tiah Sinhua nih a chim. Hotel me' a kanghnak konghe pehpar in palik phu hnanih minung 7 hna cu an hren hna i chekhlainak hna an tuah.
Tuluk ramchungah hin Hotel tibantuk le kongteih tibantuk hna ah vengtu ( security ) an daithlang deuh caah meikanghnak hna hi a chuak tawn tiah theih asi.
Source & Photo: Reuters
Tuluk ah Hotel meikanghnak ruangah minung 10 an thi
Subscribe to:
Posts (Atom)